「草包」是啥？

（原文發表於Facebook臺灣話資料交流所。作者劉建仁因身體因素，無法親自校稿。如有錯誤，敬請見諒。）

[「草包」是啥？]

（本篇使用台語文寫作）

這tsām仔無論華語電視台抑是華語報紙，「草包」這个詞誠時行。我本底想講這是華語語詞，因為可能是我的生活環境的關係，自細漢毋捌聽人講用「草包（tsháu-pau）」來 kinɡ-thé人。但是，一下掀《台日典》查看覓，《台日典》竟然有收「草包（tsháu-pau）」這个詞（上冊602頁），詞義有三項，《台語辭典（台日大辭典台語譯本）查詢》的結果是：〔chháu-pau〕〔草包〕：（1）草做ê包。（2）輕浮無定著ê人。（3）無常識ê人。（2）∼∼ 無大才。
《廈英》（65頁）嘛有收：「tsháu-pau」，a baɡ made of straw or ɡrass-mattinɡ; a stupid fellow.
《閩南方言大詞典》（276頁）〔草包〕tsháu-pau：（1）用稻草等編成的袋子。（2）比喻沒有才能的人。……（3） 魯莽草率。……
遮的釋義攏無法度完全表達咱這馬咧用的「草包」這个詞的涵意。我感覺《百度百科》的解說上好。
《百度百科》（普通話）〔草包〕：“草包，俗語，貶義詞，用草織的包包的不結實不耐用來形容某個人不經用、没有能力。草包有时也指稻草人，从而（草包）引申為罵人的詞，罵那些「徒有其表、外强中乾，却非要装作自己有多大能耐的虚偽人士」。”
這敢毋是就是咧形容下港彼个市長的話？